ഗുരുവായൂര് : രാഷ്ട്രപതി ദ്രൗപദി മുര്മുവിൻ്റെ ഗുരുവായൂർ ക്ഷേത്രദര്ശനത്തോടനുബന്ധിച്ച് നവംബർ 27 ന് ഭക്തർക്ക് നിയന്ത്രണം. രാഷ്ട്രപതിയുടെ ക്ഷേത്രദര്ശന സമയത്ത് ഭക്തര്ക്ക് പ്രവേശനമുണ്ടാകില്ല. തെക്കെനടയില് നിന്ന് എല്ലാവരെയും മാറ്റും. ചൂണ്ടല് – ഗുരുവായൂര് റോഡില് 26നും 27നും ഉച്ചകഴിഞ്ഞ് രണ്ടുമണിക്കൂര് വീതം ഗതാഗത നിയന്ത്രണം ഉണ്ടാകും.
നവംബർ 27 ന് വൈകീട്ട് 3.10ന് ഗുരുവായൂര് ശ്രികൃഷ്ണ കോളേജ് ഹെലിപാഡിലാണ് രാഷ്ട്രപതി ഹെലികോപ്റ്റർ ഇറങ്ങുന്നത്. ശേഷം ദേവസ്വം ശ്രീവത്സം ഗസ്റ്റ് ഹൗസിലേക്ക് പോകും. 3.30നും 4 മണിക്കും ഇടയില് ക്ഷേത്രദര്ശനം നടത്തും. 5 മണിക്ക് മടങ്ങും.
