ന്യൂഡൽഹി:: പ്രമുഖ വ്യവസായി ടാറ്റ ഗ്രൂപ്പ് മുന് ചെയര്മാന് രത്തൻ ടാറ്റ അന്തരിച്ചു. അദ്ദേഹത്തിന് 86 വയസ്സായിരുന്നു മുംബൈയിലെ ബ്രീച്ച് കാൻഡി ആശുപത്രിയിലായിരുന്നു അന്ത്യം. 1991 മുതൽ 2012 വരെ ടാറ്റ ഗ്രൂപ്പ് ചെയർമാൻ ആയിരുന്നു. രാജ്യം പത്മഭൂഷണും പത്മവിഭൂഷണും നൽകി ആദരിച്ച വ്യക്തിയായിരുന്നു രത്തൻ ടാറ്റ. അതീവ ഗുരുതരാവസ്ഥയില് ആശുപത്രിയില് കഴിഞ്ഞ 4 ദിവസമായി ചികിത്സയില് കഴിയുകയായിരുന്നു അദ്ദേഹം.
രക്ത സമ്മര്ദ്ദം കുറഞ്ഞതിനെ തുടര്ന്നാണ് അദ്ദേഹത്തെ ആശുപത്രിയില് പ്രവേശിപ്പിച്ചത്. പിന്നീട് ആരോഗ്യനില വഷളായതിനെ തുടർന്ന് തീവ്രപരിചരണ വിഭാഗത്തിലേക്ക് (ഐസിയു) മാറ്റി. കഴിഞ്ഞ മൂന്നു ദിവസമായി വെന്റിലേറ്ററിന്റെ സഹായത്തോടെയായിരുന്നു രത്തന് ടാറ്റ കഴിഞ്ഞിരുന്നത്.
രത്തൻ ടാറ്റ, ഗ്രൂപ്പ് സാരഥിയായ 21 വർഷങ്ങൾ വരുമാനം 40 മടങ്ങ് വർദ്ധിച്ചു. ഒപ്പം ലാഭത്തിലും 50 മടങ്ങ് വർദ്ധനവുണ്ടായി.അദ്ദേഹത്തിൻ്റെ ഭരണത്തിൻ കീഴിൽ ടാറ്റ ഗ്രൂപ്പ് ടെറ്റ്ലി, ജാഗ്വാർ ലാൻഡ് റോവർ, കോറസ് എന്നിവ ഏറ്റെടുത്തു. 75 വയസ്സ് തികഞ്ഞപ്പോൾ, 2012 ഡിസംബർ 28-ന് ടാറ്റ ഗ്രൂപ്പിലെ തൻ്റെ എക്സിക്യൂട്ടീവ് അധികാരങ്ങൾ രത്തൻ ടാറ്റ രാജിവച്ചു. സാധാരണക്കാര്ക്കായി ടാറ്റ നാനോ കാര് യാഥാര്ത്ഥ്യമാക്കിയത് അദ്ദേഹമായിരുന്നു.1961 ല് ടാറ്റ സ്റ്റീല്സില് ഔദ്യോഗിക ജീവിതത്തിന് തുടക്കം കുറിച്ച അദ്ദേഹം 21 വര്ഷം ടാറ്റ ഗ്രൂപ്പിനെ നയിച്ചു
രത്തൻ ടാറ്റയുടെ നിര്യാണത്തിൽ പ്രധാനമന്ത്രി നരേന്ദ്ര മോദി അനുശോചിച്ചു ‘X’ ൽ അദ്ദേഹം ഇങ്ങനെ കുറിച്ചു -: “ശ്രീ രത്തൻ ടാറ്റ ജി ഒരു ദീർഘവീക്ഷണമുള്ള ഒരു ബിസിനസ്സ് നേതാവും അനുകമ്പയുള്ള ആത്മാവും അസാധാരണ മനുഷ്യനുമായിരുന്നു. ഇന്ത്യയിലെ ഏറ്റവും പഴക്കമേറിയതും അഭിമാനകരവുമായ ഒരു ബിസിനസ്സ് സ്ഥാപനത്തിന് അദ്ദേഹം സുസ്ഥിരമായ നേതൃത്വം നൽകി. അതേ സമയം. , അദ്ദേഹത്തിൻ്റെ വിനയം, ദയ, നമ്മുടെ സമൂഹത്തെ മികച്ചതാക്കാനുള്ള അചഞ്ചലമായ പ്രതിബദ്ധത വെച്ചു പുലർത്തി അങ്ങനെ അദ്ദേഹം നിരവധി ആളുകൾക്ക് പ്രിയങ്കരനായി. “
