ന്യൂഡൽഹി : രാജ്യത്തെ ഏറ്റവും വലിയ ബാങ്ക് ആയ സ്റ്റേറ്റ് ബാങ്ക് ഓഫ് ഇന്ത്യ (എസ്ബിഐ) വരുന്ന ആറ് ദിവസത്തേക്ക് അവധിയായിരിക്കും. 2026 മെയ് 23 മുതൽ ആറ് ദിവസത്തേക്ക് ബാങ്ക് ശാഖകൾ അടച്ചിടും, ഈ അടച്ചുപൂട്ടൽ രാജ്യവ്യാപകമായിരിക്കാം. എന്നാൽ, ഓൺലൈൻ ഇടപാടുകൾ ഉണ്ടാകും.
മെയ് 23 മാസത്തിലെ നാലാമത്തെ ശനിയാഴ്ചയായതിനാൽ ആ ദിവസം ബാങ്കുകൾക്ക് അവധിയായിരിക്കും. മെയ് 24 ഞായറാഴ്ചയായതിനാൽ അന്നും അവധിയായിരിക്കും. 2026 മെയ് 25-26 (തിങ്കൾ, ചൊവ്വ) തീയതികളിൽ എസ്ബിഐ സ്റ്റാഫ് ഫെഡറേഷൻ പ്രഖ്യാപിച്ച പണിമുടക്കാണ്. നാഷണൽ പെൻഷൻ സിസ്റ്റം (എൻ‌പി‌എസ്) ഫണ്ട് മാനേജർമാരുടെ നിയമനം, തിരഞ്ഞെടുപ്പ് തുടങ്ങിയ പ്രശ്‌നങ്ങൾ പരിഹരിക്കുന്നതിനായാണ് പണിമുടക്കിന് ആഹ്വാനം ചെയ്തിരിക്കുന്നത്.
ഈദുൽ അസ്ഹ പ്രമാണിച്ചുള്ള അവധിയാണ്
മെയ് 27 നും 28 നും. ഈദ് അൽ-അദ്ഹയോടനുബന്ധിച്ച് ആർ‌ബി‌ഐ അവധി പ്രഖ്യാപിച്ചിട്ടുണ്ട്. രാജ്യത്തിന്റെ ചില ഭാഗങ്ങളിൽ മെയ് 27 നും മറ്റ് ചില ഭാഗങ്ങളിൽ മെയ് 28 നും പെരുന്നാൾ ആഘോഷിക്കും. ജമ്മു കശ്മീരിൽ രണ്ട് ദിവസങ്ങളിലും പെരുന്നാൾ ആഘോഷിക്കുന്നതിനാൽ രണ്ട് ദിവസത്തെ അവധി ലഭിക്കും.
