തൃശൂർ :പ്രതിയെ പിടികൂടാനെത്തിയ പോലീസുകാർക്കെതിരെ ആക്രമണം. തൃശൂർ ചാവക്കാട് ആണ് സംഭവം. കുത്തേറ്റ ചാവക്കാട് എസ്ഐയും സിപിഒയും ആശുപത്രിയിൽ ചികിത്സയിലാണ്.
5 ഉദ്യോഗസ്ഥർക്ക് പരിക്കേറ്റു. സംഭവത്തിൽ ചാവക്കാട് സ്വദേശി നിസാറിനെ പോലീസ് പിടികൂടി.
സഹോദരനെ കുത്തിപരിക്കേൽപ്പിച്ച കേസിൽ നിസാറിനെ കസ്റ്റഡിയിലെടുക്കാനാണ് പോലീസ് എത്തിയത്. പോലീസിന് നേരെ പാഞ്ഞടുത്ത നിസാർ പോലീസുകാരായ ശരത്തിനെ കുത്തുകയും അരുണിനെ പരിക്കേൽപ്പിക്കുകയും ചെയ്തു. ഇവരെ ആശുപത്രിയിലേക്ക് മാറ്റിയ ശേഷം എത്തിയ പോലീസ് സംഘത്തെയും നിസാർ ആക്രമിക്കുകയായിരുന്നു. മൂന്ന് പോലീസുകാർക്ക് കൂടി പിന്നീട് പരിക്കേറ്റു. തുടർന്ന് നാട്ടുകാരുടെ കൂടി സഹായത്തോടെയാണ് നിസാറിനെ പോലീസ് കീഴടക്കിയത്. പരിക്കേറ്റ നിസാറിനെ തൃശൂർ മെഡിക്കൽ കോളേജിലേക്ക് മാറ്റി.
ആക്രമണത്തിൽ പരിക്കേറ്റ പോലീസ് ഉദ്യോഗസ്ഥരെ തൃശൂരിലെ സ്വകാര്യ ആശുപത്രിയിൽ പ്രവേശിപ്പിച്ചു. പരിക്ക് ഗുരുതരമായ എസ് ഐയുടെ കൈക്ക് ശസ്ത്രക്രിയ നടന്നതായി പോലീസ് അറിയിച്ചു.
Your article helped me a lot, is there any more related content? Thanks! https://www.binance.bh/register?ref=IXBIAFVY