തൃശൂർ : പാറമേക്കാവ്, തിരുവമ്പാടി ദേവസ്വങ്ങളുടെ വേലയുടെ ഭാഗമായി നടത്തുന്ന വെടിക്കെട്ടിന് ജില്ലാ കളക്ടർ അനുമതി നിഷേധിച്ചു. വെടിക്കെട്ടിന് അനുമതി തേടി തൃശ്ശൂർ പൂരത്തിലെ പങ്കാളികളായ ഇരു ദേവസ്വങ്ങളും നൽകിയ അപേക്ഷകളാണ് തള്ളിയത്.
പുതിയ കേന്ദ്ര സ്ഫോടക വസ്തു ചട്ട നിയമപ്രകാരം ജനങ്ങളുടെ ജീവനും സ്വത്തിനും അപകടകരമല്ലാത്ത വിധം വെടിക്കെട്ട് നടത്തുന്നതിനുള്ള ഭൗതിക സാഹചര്യം ഇല്ലെന്ന് ജില്ലാ കളക്ടർ റിപ്പോർട്ടിൽ പറയുന്നു.
തൃശ്ശൂർ പൂരത്തിൻ്റെ വെടിക്കെട്ട് നടക്കുന്ന തേക്കിൻകാട് മൈതാനിയിൽ തന്നെയാണ് വേലയുടെ വെടിക്കെട്ടും നടക്കാറുള്ളത്.
ഇവിടെ വെടിപ്പുരയും വെടിക്കെട്ട് നടക്കുന്ന സ്ഥലവും തമ്മിൽ 78 മീറ്റർ മാത്രമാണ് ദൂരമെന്നതാണ് അനുമതി നിഷേധിക്കാൻ കാരണം.
പുതിയ നിയമപ്രകാരം ഈ ദൂരം 200 മീറ്ററാണ് വേണ്ടത്.
ജനുവരി മൂന്നിന് പാറമേക്കാവിന്റെയും അഞ്ചിന് തിരുവമ്പാടിയുടെയും വേല നടക്കാനിരിക്കെയാണ് ജില്ലാ കളക്ടർ വെടിക്കെട്ടിന് അനുമതി നിഷേധിച്ചിരിക്കുന്നത്. പൊലീസ്, ഫയർ, റവന്യു വകുപ്പ് ഉദ്യോഗസ്ഥർ നൽകിയ റിപ്പോർട്ടുകൾ ചൂണ്ടിക്കാട്ടിയാണ് വെടിക്കെട്ടിനുള്ള അനുമതി പ്ര .
