Saturday, November 21, 2026

ഗ്യാനേഷ് കുമാറിന്റെ രാജി ആവശ്യപ്പെട്ട് നിരോധനാജ്ഞ ലംഘിച്ച് DYFI സമരം; ബാരിക്കേട് മറിച്ചിട്ട് പ്രവര്‍ത്തകര്‍, നിയന്ത്രിക്കാനാവാതെ ഡല്‍ഹി പോലീസ്

Date:

ന്യൂഡല്‍ഹി : മുഖ്യ തെരഞ്ഞെടുപ്പ് കമ്മീഷണർ ഗ്യാനേഷ് കുമാറിന്റെ രാജി ആവശ്യപ്പെട്ട് ഡിവൈഎഫ്ഐയും ഐസയും ഡൽഹി ജന്തര്‍ മന്തറിൽ നടത്തുന്ന സമരം സംഘര്‍ഷഭരിതമായി. നിരോധനാജ്ഞ ലംഘിച്ച് ജന്തര്‍ മന്തറിലേക്ക് നീങ്ങിയ സിപിഐഎം ജനറല്‍ സെക്രട്ടറി എം എ ബേബി, ഡിവൈഎഫ്‌ഐ അഖിലേന്ത്യ പ്രസിഡന്റ് എ എ റഹീം, ബൃന്ദ കാരാട്ട് എന്നിവരെ പോലീസ് അറസ്റ്റ് ചെയ്തെങ്കിലും പ്രവര്‍ത്തകര്‍ ബാരിക്കേട് മറിച്ചിട്ട് മുന്നോട്ട് നീങ്ങുന്ന കാഴ്ചയാണ് കണ്ടത്. ഇടതുപക്ഷ എംപിമാര്‍ അടക്കമുള്ള നേതാക്കളെ പൊലീസ് റോഡിലൂടെ വലിച്ചിഴച്ചാണ് വണ്ടിയിൽ കയറ്റിയത്.

5000 ത്തോളം നിയമപാലകർ പ്രതിരോധിക്കാനുണ്ടായിട്ടും പ്രതിഷേധക്കാരെ നിയന്ത്രിക്കാന്‍ ഡല്‍ഹി പോലീസിന് ആയില്ല എന്നതാണ് കൗതുകം. അറസ്റ്റ് ചെയ്ത് നീക്കുന്നതിനനുസരിച്ച് തന്നെ കൂടുതല്‍ ഡിവൈഎഫ്‌ഐ പ്രവർത്തകരും ഒപ്പം, ജനാധിപത്യ മഹിളാ അസോസിയേഷന്‍ പ്രവര്‍ത്തകരും ജന്തര്‍ മന്തറിൽ എത്തിച്ചേർന്നുകൊണ്ടേയിരുന്നു. കേരളത്തില്‍ നിന്നടക്കമുള്ള മൂവായിരത്തിലധികം പ്രവര്‍ത്തകർ സമരത്തില്‍ അണിചേർന്നു.

ഡിവൈഎഫ്‌ഐ അഖിലേന്ത്യ പ്രസിഡന്റ് എ എ റഹീം, ജനറല്‍ സെക്രട്ടറി ഹിമാഘ്‌നരാജ് ഭട്ടാചാര്യ എന്നിവരുെട നേതൃത്വത്തിലാണ് പ്രക്ഷോഭം നടക്കുന്നത്. ഡിവൈഎഫ്‌ഐ കേരളം സംസ്ഥാന സെക്രട്ടറി എം വിജിന്‍ പ്രസിഡന്റ് ചിന്താ ജെറോം എന്നിവരും സമരത്തില്‍ പങ്കാളികളായി .

ഗ്യാനേഷ്കുമാറിൻ്റെ രാജി ആവശ്യവുമായി    ഐസ പ്രവര്‍ത്തകരും ആം ആദ്മി പാര്‍ട്ടിയും ഡൽഹിയിലെ തെരുവിലിറങ്ങിയിരുന്നു. ഇവരെയും പോലീസ് അറസ്റ്റ് ചെയ്ത് നീക്കുകയായിരുന്നു. ഗ്യാനേഷ് കുമാറിന്റെ രാജി ഉണ്ടാകാതെ പ്രതിഷേധ സമരത്തില്‍ നിന്ന് പിന്നോട്ട് പോകില്ലെന്നാണ് പ്രവര്‍ത്തകര്‍ പറയുന്നത്.

Share post:

Popular

More like this
Related

‘ക്ഷോഭം അരുത്!’ ; ഗുരുവായൂർ ക്ഷേത്ര ജീവനക്കാർ ഭക്തരോട് മാന്യതയോടെ പെരുമാറണമെന്ന് ഹൈക്കോടതി

കൊച്ചി: ഗുരുവായൂർ ക്ഷേത്രത്തിലെത്തുന്ന ഭക്തരോട് ദേവസ്വം ജീവനക്കാർ മാന്യമായും ആദരവോടെയും പെരുമാറണമെന്ന്...

വിഇഎച്ച് ഗ്ലോബലില്‍ നിന്ന്  വാങ്ങിയ വൈദ്യുതി വില 12.55 രൂപ! ; റെഗുലേറ്ററി കമ്മീഷന് നല്‍കിയ മറുപടിയിലാണ് കെഎസ്ഇബിയുടെ വിശദീകരണം

തിരുവനന്തപുരം : വിഇഎച്ച് ഗ്ലോബലില്‍ നിന്ന് വൈദ്യുതി വാങ്ങിയത് യൂണിറ്റിന് പതിനൊന്ന്...

വെര്‍ച്വല്‍ ക്യൂവിൽ കൂട്ട ബുക്കിംഗും ക്യാന്‍സലേഷനും; കണ്ടെത്താൻ സൈബര്‍ ഫോറന്‍സിക് സഹായം തേടി ദേവസ്വം ബോര്‍ഡ്

തിരുവനന്തപുരം : ശബരിമല വെര്‍ച്വല്‍ ക്യൂവിൽ കൂട്ടത്തോടെയുള്ള ബുക്കിംഗും ക്യാന്‍സലേഷനും നടക്കുന്നത്...

താജ്മഹലും നിസാമുദ്ദീന്‍ ദര്‍ഗയും കാണണമെന്ന് മോഹം; പാക് മന്ത്രിക്ക് അനുമതി നിഷേധിച്ച് കേന്ദ്രം

ന്യൂഡല്‍ഹി : താജ്മഹലും നിസാമുദ്ദീന്‍ ദര്‍ഗയും കാണണമെന്ന് ആഗ്രഹം പ്രകടിപ്പിച്ച പാക്കിസ്ഥാൻ...