തിരുവനന്തപുരം : 2026-27 അദ്ധ്യയന വർഷത്തെ പ്രീമെട്രിക് വിദ്യാഭ്യാസ ആനുകൂല്യത്തിനായുള്ള ഇ-ഗ്രാന്റ്സ് പോർട്ടൽ തുറന്നു. സർക്കാർ, എയ്ഡഡ്, അംഗീകൃത അൺഎയ്ഡഡ്, സി ബി എസ് ഇ, ഐ സി എസ് ഇ സ്കൂളുകളിൽ ഒന്നു മുതൽ പത്തുവരെ ക്ലാസുകളിൽ പഠിക്കുന്ന ഒ ഇ സി – എസ് സി/ എസ് ടി , ഒ ബി സി – എച്ച് വിഭാഗങ്ങളിലെ വിദ്യാർത്ഥികൾക്ക് അപേക്ഷിക്കാം.
വിദ്യാർത്ഥികളുടെ വിവരങ്ങൾ സ്കൂളുകൾ മുഖേന ഇ-ഗ്രാന്റ്സ് പോർട്ടലിൽ സമർപ്പിക്കണം. ഡാറ്റാ എൻട്രി പൂർത്തിയാക്കേണ്ട അവസാന തിയതി നവംബർ 30 ആണ്. കൂടുതൽ വിവരങ്ങൾ പിന്നാക്ക വിഭാഗ വികസന വകുപ്പിന്റെ സംസ്ഥാനത്തെമ്പാടുമുള്ള മേഖലാ ഓഫീസുകളിൽ നിന്ന് ലഭിക്കും.
ഒന്നു മുതൽ പത്തുവരെ ക്ലാസുകളിൽ പഠിക്കുന്ന താഴെപ്പറയുന്ന വിഭാഗങ്ങളിൽ പെടുന്ന വിദ്യാർത്ഥികൾക്ക് അപേക്ഷിക്കാം
ഒ.ഇ.സി–എസ്.സി.
ഒ ഇ സി–എസ്.ടി.
ഒ.ബി.സി–എച്ച്.
സർക്കാർ, എയ്ഡഡ്, അംഗീകൃത അൺഎയ്ഡഡ്, സി ബി എസ് ഇ / ഐ സി എസ് ഇ അഫിലിയേറ്റഡ് സ്കൂളുകളിലെ വിദ്യാർത്ഥികൾക്ക് പദ്ധതിയിൽ അർഹതയുണ്ട്. വകുപ്പിന്റെ പദ്ധതി വിവരണത്തിൽ കേന്ദ്രീയ വിദ്യാലയങ്ങളെയും ഉൾപ്പെടുത്തിയിട്ടുണ്ട്. എല്ലാ ഒ ബി സി വിദ്യാർത്ഥികൾക്കും പൊതുവായി ബാധകമായ ആനുകൂല്യമായി ഇതിനെ കാണരുത്; പദ്ധതിയിൽ ഉൾപ്പെട്ട സമുദായമാണോ എന്ന് സ്കൂൾ മുഖേന ഉറപ്പാക്കണം.
പിന്നാക്ക വിഭാഗ വികസന വകുപ്പിന്റെ പദ്ധതി പേജിൽ നൽകിയിരിക്കുന്ന വിവരങ്ങൾ:
• 1–4 ക്ലാസുകൾ – 320 രൂപ
• 5–7 ക്ലാസുകൾ – 630 രൂപ
• 8–10 ക്ലാസുകൾ – 940 രൂപ
രക്ഷിതാക്കൾ കുട്ടി പഠിക്കുന്ന സ്കൂളിലെ ഓഫിസിനെയോ ഇ – ഗ്രാന്റ്സ് ചുമതലയുള്ള അദ്ധ്യാപകനെയോ സമീപിക്കുക. വിദ്യാർത്ഥി പ്രത്യേകം ഓൺലൈൻ അപേക്ഷ സമർപ്പിക്കേണ്ടതില്ലെന്നാണ് വകുപ്പിന്റെ അറിയിപ്പ്.
