ആജ്ഞാപനം വേണ്ടെന്ന് ട്രംപിനോട് ഇറാൻ ; വ്യവസ്ഥകൾ പാലിച്ചാൽ യുദ്ധം അവസാനിപ്പിക്കുമെന്ന് ഓർമ്മപ്പെടുത്തൽ

( Photo Courtesy : X)

ടെഹ്റാൻ : യുദ്ധം അവസാനിപ്പിക്കാനുള്ള ആജ്ഞാപനം വേണ്ടെന്നും  തങ്ങൾ മുന്നോട്ടു വെച്ച വ്യവസ്ഥകൾ പാലിച്ചാൽ സംഘർഷം അവസാനിപ്പിയ്ക്കുമെന്നും ഇറാൻ. സ്വന്തം നിബന്ധനകളിലും സമയക്രമത്തിലും മാത്രമെ സംഘർഷം അവസാനിപ്പിക്കാൻ സമ്മതിക്കൂ എന്ന് ടെഹ്‌റാൻ ഉറപ്പിച്ചു പറഞ്ഞതായി ഇറാനിയൻ സ്റ്റേറ്റ് മീഡിയ റിപ്പോർട്ട് ചെയ്തു.

യുദ്ധം അവസാനിപ്പിക്കുന്നതിന് ഇറാൻ ഒരു കൂട്ടം വ്യവസ്ഥകൾ മുന്നോട്ടുവെച്ചിരുന്നു. അതിൽ ഹോർമുസ് കടലിടുക്കിന് മേലുള്ള ടെഹ്‌റാന്റെ പരമാധികാരം അംഗീകരിക്കുന്നതും ഉൾപ്പെടുന്നു, അതിനെ തങ്ങളുടെ “സ്വാഭാവികവും നിയമപരമായതുമായ അവകാശം എന്ന് അവർ വിശേഷിപ്പിച്ചു. യുദ്ധ നഷ്ടപരിഹാരത്തിന് വ്യക്തമായ നിർണ്ണയവും ഉറപ്പായ പണമടയ്ക്കലും, യുദ്ധം ആവർത്തിക്കുന്നത് തടയാൻ കൃത്യമായ ഗ്യാരണ്ടികൾ സ്ഥാപിക്കലും ഇറാൻ്റെ ആവശ്യങ്ങളിലുണ്ട്