ന്യൂഡൽഹി : നീറ്റ്-യുജി പരീക്ഷ ക്രമക്കേടിൽ സിജിപി നേതൃത്വം കൊടുക്കുന്ന സമരം ജന്തർ മന്ദിറിൽ ശക്തമായി മുന്നോട്ടു നീക്കുന്ന പശ്ചാത്തലത്തിൽ നാഷണൽ ടെസ്റ്റിംഗ് ഏജൻസിയിൽ വൻ അഴിച്ചുപണിക്ക് ഒരുങ്ങി കേന്ദ്ര സർക്കാർ. പുന:സംഘടനാ നടപടികളുടെ ഭാഗമായി വീഴ്ചവരുത്തിയ 47 ഉദ്യോഗസ്ഥരെ പിരിച്ചുവിട്ടു. ചില ഉദ്യോഗസ്ഥർക്കെതിരെ നിയമ നടപടിയും ക്രിമിനൽ നടപടിയും സ്വീകരിക്കാനും നിർദ്ദേശമുണ്ട്. പൂർണമായ അഴിച്ചുപണിയ്ക്കാണ് നാഷണൽ ടെസ്റ്റിംഗ് ഏജൻസി ഒരുങ്ങുന്നത്. ഉടച്ച് വാർക്കാനുള്ള കൂടുതൽ നടപടികൾ വരും ദിവസങ്ങളിലുണ്ടാവുമെന്നും റിപ്പോർട്ടുണ്ട്.
മുൻകാലങ്ങളിലേത് പോലെ ചോദ്യപേപ്പർ തയ്യാറാക്കുമ്പോഴുള്ള ബാഹ്യഇടപെടൽ ഒഴിവാക്കി പൂർണ്ണമായും ഇന്ത്യയ്ക്കുള്ളിൽ വെച്ച് തന്നെ ചോദ്യപേപ്പർ തയ്യാറാക്കാനുള്ള ക്രമീകരണങ്ങൾ കൂടി ഒരുക്കികൊണ്ടുള്ള പരിഷ്കാരങ്ങളിലേക്ക് നാഷണൽ ടെസ്റ്റിംഗ് ഏജൻസി കടന്നിരിക്കുകയാണ്.
