തിരുവനന്തപുരം : ചിറയിന്‍കീഴ് എംഎല്‍എയും പ്രാദേശിക നേതാക്കളും തമ്മില്‍ ഉണ്ടായ കയ്യാങ്കളിയില്‍ രമ്യാഹരിദാസിനും ജില്ലാ പഞ്ചായത്ത് അംഗം സജിത്ത് മുട്ടപ്പാലത്തിനും താക്കീത് നൽകി കെപിസിസി. ഇരുവരെയും നേരിട്ട് വിളിച്ചാണ് കെപിസിസി പ്രസിഡന്റ് താക്കീത് ചെയ്തത്. ഇത്തരം സംഭവങ്ങള്‍ ആവര്‍ത്തിക്കരുതെന്നും പരസ്പരം നല്‍കിയ കേസുകള്‍ പിന്‍വലിക്കാനും ആവശ്യപ്പെട്ടിട്ടുണ്ട്.
പാളയം പ്രദീപിനെ എംഎല്‍എയുടെ സ്റ്റാഫ് ആക്കരുതെന്ന നിർദ്ദേശവും കെപിസിസി പ്രസിഡന്റ് നൽകിയിട്ടുണ്ട്. എംഎം ഹസന്‍ സമിതിയുടെ റിപ്പോര്‍ട്ടിന്റെ അടിസ്ഥാനത്തിലാണ് നടപടി.
പാര്‍ട്ടിക്ക് വലിയ നാണക്കേടുണ്ടാക്കുന്നതായിരുന്നു ചിറയിന്‍ കീഴിലെ എഎൽഎയുടെ കയ്യാങ്കളിയും അതോട് ബന്ധപ്പെട്ട് സോഷ്യൽ മീഡിയയിൽ വ്യാപകമായി പ്രചരിച്ച ദൃശ്യങ്ങളും. തുടര്‍ന്നാണ് മുന്‍ കെപിസിസി അധ്യക്ഷന്‍ എംഎം ഹസ്സന്റെ നേതൃത്വത്തിലുള്ള സമിതി അന്വേഷണം നടത്തി നടപടി വേണമെന്ന നിര്‍ദ്ദേശിച്ചത്. അതനുസരിച്ചാണ് ഇരുവര്‍ക്കുമെതിരെയുള്ള നടപടി.
നടപടി.
